अपाङ्ग विद्यार्थीहरुले टेम्पो छोडेर स्कुल बस चढ्न थालेपछि रसाए एनआरएनएको आँखा(भिडियो सहित)

ENGLISH

NRN GLOBAL

अपाङ्ग विद्यार्थीहरुले टेम्पो छोडेर स्कुल बस चढ्न थालेपछि रसाए एनआरएनएको आँखा(भिडियो सहित)

बसन्त रानाभाट, जर्मनी

13 August, 2017 | Sandeep Bhattarai | 675 Views | comments

बस

गैरआवासीय नेपाली संघ (एनआरएनए) को दशौं युरोपेली बैठक चल्दै गर्दा एउटा भिडियो प्रस्तुतिपछि धेरैका आँखा रसाए। आफैंले गरेको सहयोगबाट बौद्धिक अपांगता भएका बालबालिकाहरुले टेम्पो छोडेर स्कुल बस चढ्न थालेको भिडियो देखेपछि एनआरएनएहरुका आँखा रसाएका हुन्।

गत बर्ष एनआरएनएको नवौं युरोपेली बैठक कोपेनहेगनमा सम्पन्न हुँदा संघका अभियन्ताहरुले मकवानपुरको हेटौंडा नगरपालिका-६ गौरीघाटमा रहेको ‘आशा स्कुल’ लाई बस खरिद गर्नका आर्थिक सहयोग गरेका थिए। एनआरएनएले १५ लाख ३० हजार रुपैयाँ सहयोग गरे पछि स्कुलले बस किन्न सकेको हो।

जर्मनीको फ्रयाङ्कफर्टमा दशौ बैठक चल्दै गर्दा बालबालिकाहरु बसमा ओहोर दोहोर गरेको दृश्यले धेरैको मन छोयो। बालबालिकाहरुले यस अघि दुई वटा टेम्पोमा चढेर आशा बिशेष पाठशाला तथा पुनर्स्थापना केन्द्रमा पुग्ने गरेका थिए। एउटा टेम्पोमा १७- १८ जना बौद्धिक अपांगता भएका बालबालिकाहरु कष्टपूर्वक यात्रा गर्नु पर्ने बाध्यता हटेको भन्दै अभिभावकहरुले एनआरएनएलाई धन्यवाद समेत ब्यक्त गरेका छन् ।

भिडियो सन्देश मार्फत एक अभिभावक सुशीला बस्नेत भन्छिन्, ‘अहिले बसमा हाल्दा बालबालिकाहरु धेरै रमाएका छन् ,सफा सुग्घर भएर आउँछन्,बस किनीदिनु भएकोमा हामी धेरै खुशी छौ। बालबालिकाहरु खुशी साथ रमाएर स्कुल जान थालेका छन्। बाबु आज नजाउ न त भन्दा पनि बस आयो जाने -जाने भन्दै स्कुल जान थालेका छन्।’

यता, स्पेनमा रहेको आफ्नो परिवार र कामलाई छोडेर २५ वर्षको उमेरमा अपांग भएका नेपाली बालबालिकाहरुको साहारा बनेकी आईनाले यसबाट झनै प्रेरणा मिलेको बताइन्उँर । उनले भनिन्, ‘हामीलाई सुरुमा नै बसको आवश्यकता थियो तर पैसा थिएन। टेम्पोमा कोचाकोच गर्दै बच्चाहरुलाई ओहोरदोहोर गर्दा ज्यादै कठिन पल बितायौं तर आज असाधारण बालबालिकाहरुका लागि बस किन्न सकेका छौं, धेरै खुशी लागेको छ।’

उनले बालबालिकाको भविष्य प्रति सकारात्मक सोच राख्दै सहयोग गर्ने एनआरएनएलगायत सहयोगी दाता प्रति आभार प्रकट गरिन्। आईनाले भनिन् –एनआरएनको सहयोगले मलाई ठूलो हौसला र प्रेरेणा मिलेको छ, सम्झना स्वरूप स्कुल बसका एनआरएन लोगो राखेका छौं, यसले नेपाल र बाहिर रहेका नेपालीहरुलाई सधै जोडिरहने छ भन्ने विश्वास लिएकी छु।

हेटौडाली परिबारकी संस्थापक आईना बार्काका अनुसार ३० लाख ८० हजार रुपैयाँको लागतमा ३६ सिटको टाटा मोटरस् खरिद गरिएको हाे। एनआरएनबाट १५ लाख ३० हजार रुपैयाँ, अन्य संघ संस्था तथा विभिन्न कार्यक्रमवाट ८ लाख ५० हजार रुपैयाँ र अपुग रहेको ७ लाख रुपैयाँ हेटौडाली परिवारले खर्च गर्दै स्कुल बस खरिद गरेको हो।

घले र लामिछानेले गरे प्रंशसा

गैर आवासीय नेपाली संघका अध्यक्ष शेष घलेले स्पेनिस चेली आईनाले गरेको कामको प्रशंसा गरेका छन्। दशौं युरोपेली बैठकको सभाकक्षमा भिडियो देखेपछि प्रतिक्रिया दिदै अध्यक्ष घलेले भने, ‘सहयोग पुग्नु मात्र ठूलो कुरा होइन, उद्देश्य अनुरुप काम सम्पन्न गर्नु सबै भन्दा महत्वपूर्ण हो। हाम्रो सहयोगलाई सही सदुपयोग गर्दै उनले गरेर देखाइन् यसैमा हाम्रो खुशी छ।”

यस्तै संघका पूर्व अध्यक्ष तथा प्रमुख संरक्षक जीवा लामिछानेले आइनाले गरेको काम तथा स्पेनस्थित नेपाली समुदायले खेलेको सहयोगी भूमिकाको प्रंशसा गरेका छन्। इमान्दारितापूर्वक काम गर्नुपर्ने एउटा सफल उदाहरण आइनाले प्रस्तुत गरेको लामिछानेले बताए।

बस किन्न कहाँ-कहाँबाट जुट्यो सहयोग ?

स्कुल बस खरिदका लागि गैरआवासीय नेपालीका केन्द्रीय अध्यक्ष शेष घले एक्लैले ६ लाख रुपैयाँ सहयोग गरेका छन्। गत जुलाईमा डेनमार्कमा सम्पन्न्न एनआरएनको नवौं युरोपेली क्षेत्रीय बैठकका क्रममा अध्यक्ष घलेले सहयोग गरेका हुन्।

संघका संस्थापक अध्यक्ष डा. उपेन्द्र महतोले ३ लाख रुपैयाँ, उपाध्यक्षद्वय भवन भट्ट र कुमार पन्तले एक-एक लाख रुपैयाँ, युरोप क्षेत्रीय संयोजक कुल आचार्यले १ लाख रुपैयाँ र राष्ट्रिय समन्वय परिषद् इटालीका अध्यक्ष क्षेत्रकुमार श्रेष्ठले एक लाख रुपैयाँ सहयोग गरेका छन्। युरोपेली बैठकमा एनआरएनएबाट १३ लाख रुपैयाँको घोषणा भएता पनि, संघका सचिव अर्जुन कुमार श्रेष्ठले १ लाख रुपैयाँ र एनआरएनए क्षेत्रीय समिति म्याड्रिडले १ लाख ३० हजार रुपैयाँ सहयोग गरे पछि समग्रमा एनआरएनएबाट १५ लाख ३० हजार रुपैयाँको सहयोग पुगेको छ।

बस

यस्तै स्पेनिस संस्था सोस्ट्रेस एसोसियसनले ४ लाख रुपैयाँ,आमा फाउन्डेसन नेपालबाट १ लाख रुपैयाँ सहयोग जुट्यो। गायक शिव परियारले स्पेनको नेपाली समुदाय माँझ निशुल्क कार्यक्रम सम्पन्न गर्दा २ लाख रुपैयाँ बचत भएको थियो। गैर आबासीय नेपाली संघ अन्तराष्ट्रिय समन्वय परिषद सदस्य डा.बिनय श्रेष्ठ र युवा संयोजक अर्जुन बस्ताकोटीको पहलमा स्वीटजरल्याण्डको नेपाली समुदायबाट १ लाख ५० हजार रुपैयाँ जुटेको थियो।

झन्डै ६५ लाखको खर्चमा नयाँ भवन बन्दै

स्कुलमा आउँन धेरै बालबालिकाहरु इच्छुक रहेकाले नयाँ भबन समेत निर्माण भईरहेको आईनाले जानकारी दिइन् । उनले भनिन्, ‘अब करिव ४-५ महिनाभित्र नयाँ भवन पनि बनिसक्ने छ, त्यसपछि हामीले ५५ जना बालबालिकाहरुलाई पढाउँने क्षमता राख्ने छौं । आशा गरौं, अब छिट्टै नै अन्य बालबालिकाहरुलाई पनि पढाउन पाउने छौं ।’

निर्माणाधीन भवनमा ४ बटा कक्षासहित फिजियोथेरापीका लागि २ बटा छुट्टै कोठाहरु हुनेछन् भने किचन, डाईनिङ, शिक्षक तथा कार्यलयकक्षको छुट्टै व्यवस्था रहने छ ।

आइनाका अनुसार नयाँ भवनका लागि ४१ लाख रुपैयाँ खर्च भइसकेको छ, बाँकी २० देखि २४ लाख रुपैयाँ रकम अपुग रहेको छ। उनले भनिन्,”हामी सँग रकम छैन तर पनि सबैको सहयोग मिल्ने आशाले काम गरिरहेका छौ।”

मकवानपुरमा रहेको स्कुलमा हाल २९ जना बौद्धिक अपांगता भएका बालबालिकाहरुले अध्ययन गरिरहेका छन्। हेटौंडाली परिबारले दुर्गम गाउँ तथा घरमा राम्रो हेरचार हुन नसक्ने अवस्था रहेका अशक्त बालबालिकाहरुलाई छात्राबासको समेत ब्यबस्था गरेको छ।

भिडियो –

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

दीपिका-रणवीर को किस इन्टरनेटमा भाइरल बन्दै

वलिउड अभिनेत्री दीपिका पादुकोण तथा अभिनेता रणवीर सिंह सम्बन्धका...

आमिरको एक निर्णयले बदलियो यीनको जीवन

मानिस हतारमा निर्णय गर्दछ अनि फुर्सदमा पछुताउँछ । हतारमा...

मञ्जुलाई उपचारका लागि हङकङबाट सहयोग

दुवै मिर्गाैला फेल भएकी मोरङ उर्लाबारी–६ कि २७ बर्षीया...

श्रीमद् भागवत गीता महापुराण

नर्थ क्यारोलिनामा बन्ने भो नेपाल हेरिटेज सेन्टर

नर्थ क्यारोलिनाको ट्रायड नेप्लिज कम्यूनिटी सेन्टरले नेपाल हेरिटेज सेन्टरको...

ad

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK

ad
http://www.newsnrn.com/wp-content/uploads/world-on-demand-gif-banner.gif